أسباب وعلاج تساقط الشعر | تعرف على اسباب وعلاج تساقط الشعر بصفة مستمرة

أسباب وعلاج تساقط الشعر | تعرف على اسباب وعلاج تساقط الشعر بصفة مستمرة 

كلنا بنمر بفترات تلف لشعرنا وعلى الرغم ان تساقط الشعر مشكلة بتقابل الرجاله اكتر لكنها بتواجه الستات والبنات في سن صغير كتير وعشان كدة هنتكلم عن اول مشكلة للشعر النهاردة وهي تساقط الشعر 

الاسباب :

الدكاترة قالوا ان اسباب تساقط الشعر بتختلف على حسب طبيعة الجسم ومن الاسباب دي كانت 

1-اسباب وراثية وعوامل جينية 
2-تغيير في الهرمونات وي في مرحلة البلوغ او في فترة الحمل والرضاعة 
3-القلق والتوتر من اشهر الاسباب اللي بيسببوا تساقط الشعر 
4-بعض الادوية ممكن تكون السبب في تساقط الشعر كواحد من الاعراض الجانبية ليها
5-بعض الامراض زي امراض الغدة الدرقية (thyroid gland )  وامراض التهابات وعدوى فروة الرأس
6-بعض مستحضرات علاج الشعر اللي بنشوفها في صالونات التجميل ممكن على المدى البعيد تسبب تساقط الشعر زي الصبغات المستمرة 
7-التعرض المستمر للحرارة المباشرة على الشعر اهم سبب في دة كله 

ازاي نحاول نتجنب مشكلة تساقط الشعر 

1-تجنبي ربط الشعر جامد طول الوقت لان دة بيعجزه وبيؤدي للتساقط والتقصف 

2-استخدمي مشط اسنانه واسعة او فرشاة عشان مبقعش بكمية كبيرة 

3-اخطر حاجة هو تمشيط الشعر بعد غسله مباشرة اديله فرصة ينشف خالص عشان بيكون في اضعف حالاته وهو مبلول 

4-غلط كبير اننا نغسل شعرنا كل يوم يعني مرتين في الاسبوع كويس ولو اضطريتي تغسليه كل يوم يبقى بلاش الشامبو ف كل مرة لان المواد الكيميائية اللي فيه بتضعف الشعر

5-طبعا بقدر الامكان منعرضش شعرنا للحرارة كتير لان دة اهم سبب بيسبب تساقط الشعر 

6-بعض الدراسات اثبتت ان فيه علاقة مباشرة بين التدخين وتساقط الشعر عشان كدة نحاول نتجنب التدخين

7-الاكل الصحي زي الخضار والفاكهة بيمد الشعربالفيتامينات اللازمة لتقويته 
8-شرب المياه باستمرار طبعا الحل السحري لكل حاجة 
9-لو عملتي تحاليل ولقيتي الحديد والفيتامينات في الدم ناقصين يبقى تتوجهي لاقرب صيدلية عشان الحديد و vitD تحديدا مهمين لصحة الشعر