ماسكات للبشرة | اتعرفي على افضل ماسكات طبيعية لبشرتك

ماسكات للبشرة | اتعرفي على افضل ماسكات طبيعية لبشرتك 

هنقول النهاردة اكتر ماسكات طبيعية ومكوناتها في البيت عندنا ومش محتاجة وقت ولا مجهود وكمان فعالة في ترطيب البشرة وتفتيحها , خلينا نتعرف على واحد واحد منهم بالتفصيل : 

         1- ماسك اللبن الطبيعي لترطيب البشرة 

من ابسط واسهل الماسكات اللي ممكن نعرفها عموما هو ماسك اللبن , هنجيب ربع كوباية لبن بودر (لبن نيدو او اي لبن غيره ) بعدين هنحط عليه كمية مناسبة من المية لغاية ما يبقى كثافته مناسبة انه يتحط على الوش ونفرده على وشنا ونسيبه 10 دقايق وبعدين نغسله بمايه دافيه . هتحسي بنضارة وترطيب في وشك 

                              2-ماسك الترمس لاعطاء البشرة نضارة اكتر 

                 

المكونات :

1- معلقة كبيرة ترمس مطحون 

2- كمية مناسبة من اللبن او الزبادي 

3- رشة ماء ورد 

الطريقة : 

نجيب معلقة كبيرة ترمس مطحون ونخلطها مع كمية مناسبة من اللبن او الزبادي لغاية ما القوام يكون مظبوط ومتجانس ويقدر يستقر على الوش + رشة ماء ورد 

نفرد المخلوط على وشنا ونسيبه لمدة ربع او تلت ساعة لغاية ما نحس ان بشرتنا امتصت العصارة بتاع المخلوط , بعدين نغسل وشنا بماية ساقعه 

مفعول الماسك دة جميل جدا في ترطيب وتفتيح البشرة  

                      3- ماسك المايونيز لترطيب عميق وتغذية  

كلنا عارفين ان المايونيز من اكتر الحاجات اللي بتمد الشعر والبشرة بالغذاء , عشان كدة مش هتحتاجي اكتر من معلقة مايونيز كبيرة تفرديها على وشك بحركة دائرية باصابعك وبعدين تستني عشر دقايق وتغسليه 

                 4-ماسك الزبادي والليمون 

المكونات : 

1- معلقتين كبار من الزبادي 

2- عصرة ليمون 

3- رشة ماء ورد 

الطريقة : 

-لازم الاول نقول ان اي حد بشرته حساسة ميتسخدمش الليمون اللي في الماسك دة -

هنخلط المكونات كلها على بعض ونفرده على وشنا لمدة ربع ساعه , الزبادي من اكتر الحاجات اللي بتعمل ترطيب للبشرة عشان كدة حتى لو استخدمتيه لوحده هيفي بالغرض :D 

بعدين نغسله بمايه ساقعه 

                         5-ماسك البن واللبن 

المكونات : 

1-معلقة  او معلقة ونص بن مطحون كبيرة 

2- كمية لبن بسيطة لجعل القوام متجانس 

3- رشة ماء ورد

الطريقة : 

نخلط البن مع اللبن ونرش رشة ماية ورد حتى يعطينا قوام متجانس قادر على الاستقرار على الوش , بنسيب الماسك دة عشر دقايق بالكتير اوي عشان في ناس قالت انه بيتسبب في غمقان البشرة لو اتساب فترة طويلة 

                                  6-ماسك العسل والنشا 

                             

المكونات : 

1- معلقة كبيرة عسل 

2- نص معلقة نشا 

3- رشة ماء ورد 

الطريقة :

نخلط المكونات كلها مع بعض ونحطها على وشنا لمدة ربع ساعه , النشا معروفة انها بتشد البشرة وبتمنع التجاعيد المبكرة 

والعسل فيه كل القيم الغذائية اللي ممكن بشرتنا تحتاجها , بعد ما هتغسلي وشك اوعدك بترطيب مميز 

                  7-ماسك البيض للبشرات المختلفة

لو كانت بشرتك جافة هتحتاجي تفصلي البياض عن الصفار وتستخدمي صفار البيضة بس على نص معلقة زيت زيتون لترطيب مميز لبشرتك 

اما لو كانت بشرتك دهنية : هتحتاجي بياض البيضة على عصرة ليمون او نص معلقة عسل 

لو كانت بشرتك عادية : هتستخدمي البيضة كلها عادي على معلقة زيت زيتون