ما هي طرق انتشار فيروس كورونا والعدوى به ؟

ما هي طرق انتشار فيروس كورونا والعدوى به ؟

ايه هي بداية وأصل وجود فيروس كورونا ؟ 

قبل اي حاجة خلينا نتكلم شوية عن بداية المرض دة وظهور الفيروس ونحكي قصة لطيفة يلا ؟  يلا

في ديسمبر 2019 ظهر اربع اشخاص في مدينة ووهان الصينية اتشخصوا بالتهاب رئوي حاد , بس بعد كدة الاطباء بدأوا يستغربوا ازاي الاربع اشخاص عندهم نفس الاعراض بالظبط وظهروا في نفس التوقيت ؟ عزلوا الاربع اشخاص دول عن باقي الناس احتياطي , بس الصين تسكت ؟؟ اه تسكت بصراحة وكتموا عالموضوع وتظاهروا انها حاجة عادية جدا .

مع الوقت بدأت الناس تقلق وقفلوا المدينة دي بالكامل عشان المرض مينتشرش اكتر , ووصل الفيروس لدول كتير ومات ناس كتير 

زي ما عرفنا

بداية الاصابة بالفيروس كانت ازاي ؟

قدر الفيروس دة انه يحصل في المحتوى الجيني بتاعه DNA طفرات فيقدر الفيروس دة انه يتنقل من الحيوان للانسان 

يبقى كدة نكون عرفنا انه اتنقل من الحيوان للانسان بسبب طفرات معينه حصلت , بس تحديدا ايه الحيوان ؟ لسه محدش متاكد بس قال بعض العلماء انه ممكن يكون اصله من حيوان اسمه اكل النمل الحرشفي .

واتنقل منه للانسان بسبب الطفرات زي ما قولنا وبعدين للبشر بشكل عام زي ماحنا شايفبن 

طيب ازاي بقى بتحصل العدوى من انسان لانسان ؟ 

عزيزي القارئ الكلام اللي جاي كله على لسان منظمة الصحة العالمية WHO يعني مهم فركز معايا 

1 : الفيروس دة بيصيب الجهاز التنفسي , يعني ممكن تتعدي بيه ازاي ؟ بالظبط من القطرات الصغيرة اللي بتطلع اثناء العطس او الكحة من شخص مصاب بالفيروس اصلا , وعشان كدة منظمة الصحة العالمية WHO أوصت بانك تخلي مسافة بينك وبين الشخص اللي قدامك ايا كان مصاب او لا مسافة 1 متر (3اقدام ) - دة عشان احنا مش متأكدين اللي قدامنا دة يحمل المرض ولا لا - 

2-القطرات الصغيرة اللي بتخرج من الجهاز التنفسي للشخص المصاب ايضا ممكن تستقر على الاسطح والارضيات لفترات طويلة وطبعا لو لمست السطح دي وهي مستقر عليها الفيروس هيتنقل لبشرتك , بس طبعا مش هيخترض البشرة عشان زي ما قولنا هو مرض جهاز تنفسي , هو بيدخل عن طريق الاغشية المخاطية في الفم والانف , وبرضو عشان كدة منظكة الصحة اوصت بتجنب لمس اي منطقة في الوجه منعا لنقل الفيروس لداخل الجسم
برضو مهم جدا اكيد تنظيف الاسطح والارضبات بالكلور والكحول او اي معقم موثوق منه بشكل دوري ومستمر

3-جسب اخر الدراسات ان الفيروس مش بيتنقل بالهواء , هو بس بيتنقل بالقطرات اللي بتطلع من الجهاز التنفسي بأي طريقة ( كحة , عطس , .... ) 

4- لغاية دلوقتي مفيش اي دليل على ان الفيروس بيتنقل عن طريق الحيوانات الاليفة وبالتالي الحيوانات الاليفة مش مصدر للعدوى 

طيب لو شكيت اني روحت مكان فيه اصابة او احتكيت بشخص مشبته باصابته ؟ 

هقولك يا سيدي تعمل ايه , منظمة الصحة العالمية حتى السؤال دة جاوبتلك عليه 

1-طبعا هتعمل الاجراءات الوقائية اللازمة لحماية نفسك من وجود المرض 

2-لازم تعزل نفسك الفترة دي عن الناس عشان تمنع انتشار المرض لو لا قدر الله فيه حاجة 

3- زي ما قولنا قبل كدة المرض دة معتمد على حالتك المناعيه عشان كدة طول الفترة اللي هتلتزم بيها البيت لازم تقوي مناعتك كويس بالاكل والشرب الصحي , كل خضار وفاكهة واشرب عصاير وعسل واشرب ماية كتير 

4-لو بدات تحس انك تعبان حتى لو باعراض خفيفة التزم البيت وكل واشرب اكل صحي ولو بدات تتعب اكتر او تجيلك مشاكل تنفسيه اتصل بالدكتور او بالخط الساخن 105 

كدة نكون حاولنا نلم الموضوع ونجاوب على 3 اسئلة مهمين , عشان تعرف اكتر معلومات عن ايه المعلومات الخاطئة والاشاعات اللي انتشرت الفترة الاخيرة عن كورونا فيروس ارجع للمقال دة  

  

نتمنى نكون افادناكو واستنونا ف سؤال واجابة تانيين :D